4 dagar
jotunheimen
isbre
MINIBREKURS
Minibrekurs er for deg som ønsker ein rask veg til trygg brevandring. Og sjølv om kursa er korte byr dei på store opplevingar.
Vi har to typar, minibrekurs is og minibrekurs snø.
Minibrekurs is foregår i blåisen og du lærer å gå trygt på isen, gode vegval, sikring, redning og klatring.
Minibrekurs snø handlar om å kunne manøvrere trygt i områder med is og snø, vurdere snøbruer, sikre i snø, redning og orientering.
Minibrekurs is+snø tilsvarar eit ordinært brekurs.
Minibrekurs is
- 4 dagar i blåisen
- Vegval og sikring
- Klatring og redning
Minibrekurs snø
- 4 dagar på is og snø
- Snøbruer og sikring
- Bratt snø og redning
Jotunheimen
I Jotunheimen held vi kursa våre på Smørstabbreen, som ligg vest i Jotunheimen. Her ligg vi i telt heile veka omlag ti minutts gange frå parkeringsplassen. Du bur i eige telt, men vi har ein lavvo med ovn som vi brukar som opphaldsrom om kvelden når vi treng det. Breen ligg omlag 45 minutt frå leiren og har alle utfordringar ein treng på eit brekurs. Rundt oss har vi høge fjell og naturlege turmål er Kalven (2034 m) og Storebjørn (2223 m). Vi har halde brekurs her kvar sommar sidan 1995.
Jostedalsbreen
Mat
Mat for veka tek du med sjølv. Frokost et vi i leiren, mens det vanlegvis blir to lunsjar på breen. Brødmat er greitt på tur samen med noko varmt på termosen. Middag pleier vi å starte med rett etter vi kjem att frå breen. Mat som treng å oppbevarast kaldt kan kan leggast vasstette poser som ein kan legge under steinar i vatnet. Hugs å legge alle steinane tilbake på plass etter bruk slik at vi ikkje set spor i naturen. Ein del mat vil halde seg betre dersom det vert steikt på førehand. Elles brukar mange frysetørka mat til middag. Havregraut er også god frokost som held seg godt.
Personleg utstyr
- Vindtett jakke og bukse
- Regnklede
- Solide fjellsko og gamasjar
- Ullundertøy
- Varm genser e.l.
- Lue og vottar (gjerne eit eller to par hanskar i tillegg)
- Solbriller som dekker godt og solkrem med høg faktor
- Dagstursekk, anbefalast minst 40 l.
- Kart (skriv ut frå dokumentsida)
- Kartmappe og kompass
- Drikkeflaske og termos (viss du vil ha varm drikke på breen)
Telt og overnatting
- Telt
- Kokeutstyr, tallerken, bestikk, kopp
- Sovepose og liggeunderlag
- Dopapir
- Stol (om du vil ha det behageleg i leiren)
Fjellsko
Mange spør om kva type fjellsko ein skal ha med. Det grunnleggande er at dei må nå over ankelen. På breen er sko med stiv såle best, mens det ikkje er så godt å gå på sti med stive såler. Våre stegjern passar alle fjellsko og treng ikkje å ha feste for step-in over hælen. Viss du er usikker på om fjellskoa du har er gode nok så send oss ein epost eller ring og spør.
Regnkle
Breis er om sommaren både våt og skitten. Det er difor lurt å bruke vanntette kle, slik som goretex. Men breskit kan vore vanskeleg å fjerne frå kleda. Tenk deg difor om før du tek med den nyaste og finaste buksa og jakka.
Glamping
Overnatting i telt treng ikkje være ubehageleg. Våre kursleirer er enten på ein campingplass eller så nær vegen at du kan ta eit par turar ekstra. Det er lurt å ta med ei ekstra god madrass, pute og stol. Du kan til og med ta med dyne om du ikkje likar sovepose. Og husk, ikkje pump til madrassa er hard, då søv du dårleg. Sjølv om det ikkje heilt er glamping, så vil litt ekstra komfort ha stor effekt på trivselen.
