Surtningssui
- med tur gjennom
blåisen
Surtningssui (2368 moh) er av mange rekna som Jotunheimen sitt
finaste utsiktspunkt. Den er høgare enn omgjevnadane og ein ser
alle høge toppar i Jotunheimen. Surtningssui er også den
7. høgaste toppen i landet.
Men det er berre å innrømme det. Stien til toppen
byr ikkje på spennande utfordringar. Enten går ein halvvegs
rundt fjellet, eller så slit ein seg opp ura over Raudhammaren.
No kan du oppleve blåis og store bresprekker i staden.
Vår føringstur går opp brefallet i sør og
inn på breplatået aust for toppen. Denne breen heiter Surtningssubreen
og er ein flott bre som er verdt turen i seg sjølv.
Oppe på breplatået er vi midt mellom mange andre
toppar over 2000 meter. Viss du samlar på toppar så kan
vi legge turen innom fleire av desse, det avtaler du direkte med føraren.
Frå breen tek vi oss opp ein bratt snøbakke og
inn på fjellet like nord for toppen. Når vi er oppe går
vi normalt også sør til Sørtoppen (2301 moh) for
å sjå på utsikta.
Returen går ned Hestdalen og langs Hesttjønna.
Dette er den desidert enklaste returen frå Surtningssui, både
kort og med relativt lite ur.
Turen vår tek omlag 8 timar, altså ikkje meir enn
ein normal tur til Surtningssui langs stien.
Breutstyr er inkludert på denne turen. Det vil seie stegjern
(12 tagger), hjelm, isøks, kroppssele og tau.
Klikk på bileta til høgre for å sjå
korleis ei gruppe opplevde turen i august 2005.
|
